Mayanne小喇叭丨薛家燕將阿Lam誤講成阿Sam　家燕姐憶星爺拍《食神》：佢唔嗌Cut

娛樂

發布時間： 2024/04/05 15:41

熱門 DSE 逆天奇案2 超市大搜查癌症殺手九龍城寨之圍城新手爸媽名校專區高才通到校服務會員有獎

▲ 《Mayanne小喇叭》麥美恩、林敏驄、薛家燕、Vivek Mahbubani、曾展望。（左起）

麥美恩（Mayanne）與曾展望（GM）主持的TVB清談節目《Mayanne小喇叭》在今晚（4月5日）一集主題為「喜劇人生」，邀來薛家燕、林敏驄、棟篤笑演員Vivek Mahbubani擔任嘉賓。

出名頑皮的阿驄，一坐低即猛叫Mayanne食「封塵爆谷」，又全程「啄住」家燕姐額頭粒癦，令整集充滿搞笑氣氛。不過論到最搞笑，絕非家燕姐莫屬，之前家燕姐已因搞錯連詩雅與衛詩雅講錯「恭喜」大派笑彈。

Mayanne小喇叭丨麥美恩欣賞小寶變女強人　Mayanne跟家燕姐登台感激前輩照顧

▲ 家燕姐憶拍攝《食神》情況。

被星爺引發家燕姐喜感

節目中，家燕姐再爆出陳年烏龍搞笑事，當時被認錯的人竟是林子祥，家燕姐笑言：「有一次，我請咗個Superstar，我介紹佢出場時話：『掌聲歡迎阿Sam』，我講完就哈哈哈（邊說邊做出拍手動作）。個Superstar出嚟嘅時候就話，我叫阿Lam（邊說邊哈哈大笑），林子祥呀！我即刻哎吔，瘀晒喇，咁就全場笑到不得了。」相當Cutie。

除此，家燕姐還分享當年拍電影《食神》花絮，指被星爺啟發喜感：「其實我唔知自己有喜感，直到星爺搵我拍《食神》，我問佢攞劇本攞咗個零兩個禮拜都未有，到（拍）嗰日我就話：『星仔呀！你有冇劇本呀？』佢就話：『家燕姐，我想問吓你，你係咪好鍾意跳舞架？』」

最新影片推介：炎明熹專訪

她續回憶稱：「我就話係，60、70年代嗰時。佢就話：『喂！跳嚟睇吓』，我咪跳幾吓咯，跟住佢就叫我等等，裝完幾部機再話：『嗱！你由呢度跳去嗰度，盡量發揮你嘅跳舞』，嗰part舞就係咁跳出嚟，跳到我自己嗌cut，佢唔嗌cut ，同埋冇音樂架喎，佢搵個茶杯同筷子喺度敲。」

節目中，還播出當年家燕姐與王祖藍及曾志偉的經典「潘今年」、「潘舊年」及「潘明年」扮相，由於王祖藍全程忍俊不禁，結果效果比志偉更爆笑。

▲ 「潘氏姊妹花」造型。